Drejtoresha  e UNDP-së për Turqi,  Katalin Zaim  ka ofruar përkrahje për  hartimin e strategjive mjedisore
 
 
Për një periudhë dy javore do të jem në Republikën e Kosovës për të marrë informacione dhe shqyrtuar përkrahjen për projektet mjedisore ka thënë Katalin Zaim e cila së bashku me drejtorin e UNDP-së për Kosovë  Parviz Fartash, kanë vizituar  Ministrinë e Mjedisit dhe Planifikimit Hapësinor, bëhet e ditur nga një komunikatë e kësaj ministrie. 

Ministri Yagcılar në takim tha  se është nevojë e jona imediate është hartimi i strategjive mjedisore.

Kemi bërë disa hapa në këtë drejtim, por tani kemi nevojë për ndihmën e UNDP-së dhe njëkohësisht edhe përvojat e shtetit Turk, sidomos për hartimin e Strategjisë për Biodiversitet, Mjedis dhe Strategjisë për  Menaxhimin e Parqeve Nacionale ka thënë Yagcilar.

Ai tha se jemi plotësisht të sigurt se hartimi i këtyre strategjive do të na hapë rrugë drejt hartimit dhe realizimit të projekteve të mirëfillta mjedisore, por edhe ndihmës që do ta kishim nga ana e donatorëve.
 
Ndërsa Katalin Zaim tha se UNDP ka ndihmuar shumë për përgatitjen dhe hartimin e strategjive të tilla në Republikën e Turqisë dhe se pikërisht këto strategji i kanë hapur rrugë zhvillimit të mëtejmë ekonomik të shtetit turk.  

Një ndihmë e tillë sipas znj. Katalin, nuk do të mungoj edhe për Republikën e Kosovës.