Për herë të parë në historinë e gazetarisë moderne, çmimin Pulitzer për artikullin më të mirë investigativ e ka fituar një faqe interneti për një shkrim rreth uraganit Katrina.

“Propublica” quhet faqja pa pagesë vetëm në versionin online që ka fituar çmimin prestigjoz, duke lënë pas gjithë konkurrentët. Ndërkohë, në ceremoninë e zhvilluar në New York, gazeta “Washington Post” fitoi 4 çmime, ndërsa “New York Times” tre.

Gazeta lokale nga Virginia, “Bristol Herald Courier” me tirazh 29 mijë kopje, ka fituar çmimin për impenjimin qytetar.

Tek “Washington Post”, redaktorja Kathleen Parker u nderua me çmim bashkë me kritiken Sarah Kaufman.

Antony Shadid fitoi falë kronikave të gjalla nga Iraku, ndërsa Gene Weingarten për reportazhin më të mirë.